Ola amigos/as! Como lembraredes, tempo atrás realizouse no colexio unha exposición de representacións de obras de arte relacionadas co outono (posto que era a estación na que nos encontrabamos).
Pois ben, é a quenda agora do inverno!
Do mesmo xeito, cada aula representará mediante distintas técnicas unha obra de arte relacionada co inverno. O tamaño da representación será dun folio A3 ou dunha cartolina.
O Equipo de Dinamización da Lingua Galega propuxo algunhas obras para a súa recreación. Poderanse escoller estas ou outras distintas (sempre que fagan referencia ao inverno).
Entre as obras que como EDLG seleccionamos atópanse:
"Camiño do bosque en inverno" de Christian Rohlf
"Campo nevado con grada" de Vincent Van Gogh.
"Castagni a louveciennes" de Camille Pissarro
"Cazadores na neve" de Pieter Bruegel
"Davos en inverno" de Ernst Ludwig Kirchner
"Desxeo en Egersburg" de Edvar Munch
"Xardín na neve" de Paul Gauguin
"Lichtgestöber" de Camille Pissarro
"Inverno pouco antes do mediodía" de Paul Klee
Unha vez realizadas ditas recreacións, farase unha exposición no colexio das mesmas.
A data límite para a súa entrega será o 10 de marzo.
