POSTAIS DE NADAL 2017

Xa temos con nós as postais de Nadal! Os nenos e nenas do colexio deseñaron individualmente unha postal empregando calquera tipo de técnica e material nunha cartolina do tamaño de medio folio.
Coas postais recompiladas realizamos unha exposición no corredor do colexio. Mirade!

Achegándonos máis...

Das postais recollida elixiuse unha, que foi a encargada de felicitar o Nadal á comunidade educativa. E a gañadora foi a postal realizada por SARAH DANIELA, alumna de 6º de EI!

Parabéns!

Se queredes observar con máis detalle as postais, vede o seguinte vídeo:

Decoración das portas das aulas- Nadal 2017

O colexio vestiuse de Nadal! Anteriormente, o EDLG animou a participar na decoración das portas das aulas. Pois ben, aquí temos o resultado. Botádelle un vistazo:

FERMOSAS!

NADAL 2017

Para celebrar esta festividade e coa intención de vestir ao noso colexio da mesma, convocamos un ano máis, o concurso de POSTAIS DE NADAL: o alumnado deseñará unha postal nunha cartolina do tamaño de medio folio. 

De todas as recompiladas elixirase unha gañadora, que será a encargada de felicitar o Nadal á comunidade educativa.

Ademais propoñemos e animamos á decoración das portas das aulas baixo a esencia desta celebración.

Días para lembrar

O luns 27 de novembro realizamos un pequeno acto no centro para conmemorar tres días próximos entre si: 

- Día Internacional dos Dereitos dos Nenos (20 de novembro)

- Día Internacional contra a Violencia de Xénero (25 de novembro)

- Día Internacional das Persoas con Discapacidade (3 de decembro)

No patio do colexio tres alumnos/as de 6º de primaria leron un pequeno manifesto, presidido por un cartel escrito en galego relativo ao Día Internacional contra a Violencia de Xénero.

Logo cantamos e interpretamos a canción "Chea de vida" de Guadi Galego mediante lingua de signos.

Día Internacional contra a Violencia de Xénero

O día 25 de novembro celebramos o Día Internacional contra a Violencia de Xénero.

Dende o EDLG aportamos uns vídeos para facer reflexionar e fomentar  a igualdade e a erradicación da violencia de xénero. 

- "Nin un bico á forza": conto de Marion Mebes, versionado polo alumnado do CRA de Remuíños. Un conto que ensina a dicir NON!

- "Proxecto Iguais, Eu quero ser...": experiencia no CPI Atios de Valdoviño.

MAGOSTO NO COLE!

Acudimos ao patio a comer o típico xantar de Magosto: empanada, bolos preñados...

e castañas!!

Fixemos unha fogueira e logo, coa borralla, xogamos a pintarnos!

QUE BEN O PASAMOS!

Magosto 2017

Con motivo da celebración desta festividade, achegamos recursos para traballar nas aulas. As ligazóns aos mesmos son:

- Blog colectivo. Actividades LIM:
http://actividadeslim.blogspot.com.es/search/label/MAGOSTO
- Aula TIC:
http://actividadeslim.blogspot.com.es/search/label/MAGOSTO
- CEIP O Pombal:
http://centros.edu.xunta.es/ceipopombal/wesquest/curso_09_10/magosto/outras_actividades.htm
- CEIP Víctor Sáenz de Mazaricos:
https://sites.google.com/site/recursosparaomagosto/

UNIDADES DIDÁCTICAS (elaboradas polo EDLG do CEP Plurilingüe Igrexa-Valadares  de Vigo):
http://www.lingua.gal/o-galego/promovelo/equipos-de-dinamizacion-da-lingua-galega/datas-sinaladas/_/contido_0318/magosto-unidade-didactica

VÍDEOS: 

Obradoiro de cabazas

Xa temos con nós o resultado do OBRADOIRO DE CABAZAS! 

Con elas realizamos unha exposición na entrada do colexio. Observade o fermosas que quedaron:

Con máis detalle:

(Premer sobre as imaxes para ampliar)

SODES UNS ARTISTAS!

Materiais Samaín 2017

Deixámosvos aquí unha ligazón con materiais para traballar o Samaín nas aulas:

http://www.lingua.gal/o-galego/promovelo/equipos-de-dinamizacion-da-lingua-galega/datas-sinaladas?content=/Portal-Lingua/Contido/recursos/equipos-dinamizacion/contido_0799.html

SAMAÍN 2017

Coa chegada do Samaín organizamos no centro, por quinto ano consecutivo, o CONCURSO DE CONTOS DE MEDO. O alumnado poderá participar de dous xeitos:

- Investigando e recollendo un conto de medo da contorna.

- Inventando un conto aterrecedor con personaxes e lugares da contorna.

A lingua na que estarán escritos os contos será o galego. 

Deberán ser entregados antes do 4 de novembro na biblioteca.

Ademais, terá lugar no centro un OBRADOIRO DE CABAZAS. Os alumnos/as poderán decorar as súas cabazas da forma máis terrorífica que imaxinen.

Animádevos a participar!

FESTIVAL LETRAS GALEGAS 2017

Un ano máis rematamos as actividades programadas con motivo da celebración do DÍA DAS LETRAS GALEGAS cun festival que realizamos o pasado 19 de maio. Nel actuaron todos os alumnos e alumnas do centro con cancións, recitados, bailes, escenificacións... e este ano tivemos como novidade un teatro de monicreques coa representación dunha obra teatral do autor homenaxeado este ano CARLOS CASARES MOURIÑO.

Este foi o programa das actuacións:

ED. INFANTIL 3 ANOS: Dime que fixeches (canción escenificada)

ED. INFANTIL 4 ANOS: Fun ao mercado (canción e baile)

ED. INFANTIL 5 ANOS: A primavera (canción)

1º PRIMARIA:  Unha orquestra despistada (recitado)

2º  A PRIMARIA: Eucaliptos (versión galega dunha famosa canción de moda)

2º B PRIMARIA: Os cesteiros (canción escenificada)

3º A e 3º B PRIMARIA: recitado de refráns e trabalinguas

4º  PRIMARIA: Unha vella tiña un can (cantiga)

GRUPO DE ALUMNOS DE 5º A E 5º B: recitado de poesías: Adiós ríos, adiós fontes (Rosalía de Castro), Viúvas de vivos e viúvas de mortos (Rosalía de Castro) e Galicia (Manuel María)

6º PRIMARIA: recitado de poemas (en galego)  de Gloria Fuertes 

GRUPO DE ALUMNOS DE 5º E 6º PRIMARIA: As laranxas máis laranxas de tódalas laranxas (teatro de monicreques de papel)

Na seguinte presentación tedes unha mostra do desenvolvemento da actividade:

LETRAS GALEGAS 2017

Este ano, o autor homenaxeado polo Día das Letras Galegas (17 de maio) é CARLOS CASARES.

Para saber máis deste autor, deixámosvos un enlace á páxina web Primavera das letras:

http://primaveradasletras.gal/ 

Nela atoparedes diferentes apartados con información e recursos sobre Carlos Casares:

- A súa biografía e obra: http://primaveradasletras.gal/carlos-casares/ 

- Fichas didácticas:

 http://primaveradasletras.gal/category/fichas-didacticas/

- Actividades interactivas: 

http://primaveradasletras.gal/category/outros-materiais/ 

- Recursos na rede:

http://primaveradasletras.gal/recursos-na-rede-sobre-carlos-casares/ 

- Certame:

http://primaveradasletras.gal/certame-contadenos-o-voso-dias-das-letras/ 

O Seminario Galán tamén nos ofrece material do Día das Letras Galegas 2017 para infantil e primaria (actividades en PDF, actividades interactivas sobre Carlos Casares, carteis de exposición e cuestionario...). A ligazón é a seguinte: http://www.seminariogalan.org/

Outras páxinas web de interese son:
- O Portal da Lingua Galega:
http://www.lingua.gal/o-galego/promovelo/dia-das-letras-galegas
- Fundación Carlos Casares:
http://fundacioncarloscasares.org/ 

DÍA INTERNACIONAL DO LIBRO

O 23 de abril é o Día Internacional do Libro. No noso colexio quixémolo festexar levando a cabo, un ano máis, o chamado "Apadriñamento lector": o luns 24 de abril os nenos e nenas de 3º, 4º e 5º de Educación Primaria apadriñaron aos máis cativos do colexio (os alumnos e alumnas de 4º, 5º, 6º de Educación Infantil e 1º e 2º de EP). A actividade consistiu na lectura dun conto por parte dos padriños e madriñas aos seus afillados/as en diferentes recunchos do recinto escolar (xardín, patio cuberto...).

 madriñas e padriños            afilladas/os

3º A EP__________________4º EI

3º B EP__________________5º EI

6º EP____________________6º EI

4º EP___________________1º EP

5º B EP___________________2º A

5º A EP___________________2º B

Aquí vos deixamos un vídeo con imaxes deste día:

Apadriñamento lector 2017 

Para conmemorar o Día do Libro tamén se realizou, por primeira vez no centro, a actividade "Biblio-patio": na hora do recreo alumnos voluntarios levaron ao patio unha selección de libros para que os nenos e nenas gozaran da súa lectura.

Este xoves foi a quenda do alumnado de 5º de EI: 

Axudantes de 6º de EP

RECICLAPEDIA

O EDLG, en colaboración con Equipo da Biblioteca e o Equipo de Voz Natura, propuxo ao alumnado a realización da actividade "Reciclapedia": cada grupo ou curso tería que definir un termo relacionado coa reciclaxe e coa natureza. O significado do termo podería definirse empregando a lingua galega, ou mediante imaxes ou debuxos.

Os traballos xa están aquí! Mirade:
(para ampliar a imaxe, facer clic enriba dela)

- Desenvolvemento sostible

- Reutilizar

- Reforestación

- Biodegradable

- Vertedoiros incontrolados

- Contaminación

- Reciclar

GRAZAS A TODOS OS QUE PARTICIPASTES!

Ollo ao refrán!

Aproveitando a posta en marcha no noso centro do Proxecto Meteoescolas, propuxemos ao alumnado e ás súas familias a busca e aportación de un ou varios refráns ou ditos relacionados co tempo. Poderían estar escritos a man ou a ordenador nun folio. A lingua empregada sería o galego. Posteriormente, os nenos e nenas adornaríanos con ilustracións e pasarían a formar parte dunha exposición. 

Pois ben, xa os temos connosco adornando a entrada do colexio, coincidindo coa celebración do Día Mundial da Meteoroloxía (23 de marzo). Observade!

Máis preto...

No seguinte vídeo mostrámosvos cada un destes refráns e ditos:

Ollo ao refrán!

Fermoso! 
GRAZAS E ATA OUTRA!

Exposición: "A arte no inverno"

Xa temos aquí as obras de inverno! Os alumnos e alumnas de infantil e primaria animáronse a participar nesta actividade coa recreación dunha obra de arte relacionada co inverno:

Educación Infantil

4º: "As estacións, inverno" de SALVADOR DALÍ

5º: "Inverno, os globos" de JORDANKA YARETZ

6º: "Paisaxe de inverno" de KANDINSKY

Educación Primaria

3º A e B: "Davos en inverno"/ "Davos na neve" de ERNST LUDWIG KIRCHNER

4º: "Can tombado na neve" de FRANZ MARC

5º A: "Desxeo en Egersburg" de EDVAR MUNCH

6º: "Castiñeiro en Louveciennes" de CAMILLE PISSARRO

Con elas realizamos unha exposición na entrada do colexio. Este é o espectacular resultado:

ACERCÁMONOS...

                                       

6º EI: " Paisaxe de inverno" de Kandinsky
6º EP: "Castiñeiros en Louveciennes" de Camille Pissarro

3º A e B: "Davos en inverno" /"Davos na neve" de Ernst Ludwig Kirchner
4º EI: "As estacións, inverno" de Salvador Dalí
4º EP: "Can tomabo na neve" de Franz Marc
5º A: "Desxeo en Egersburg" de Edvar Munch

5º EI: "Inverno, os globos" de Jordanka Yarete

No seguinte vídeo observamos con máis detalle estas obras de arte:

GRAZAS A TODOS OS QUE PARTICIPASTES!

DÍA DA MULLER TRABALLADORA - 8 de marzo

O 8 de marzo celebramos no noso colexio o DÍA DA MULLER TRABALLADORA. Realizamos murais e carteis con información importante sobre esta festividade:

- Na entrada do colexio colocouse un mural e adornouse a árbore.

As letras de "DÍA DA MULLER" foron elaboradas con recortes de revista de caras de distintas mulleres. As follas que compoñen a árbore levaban escritas frases agradecidas e motivadoras ao traballo realizado polas mulleres así en referencia á súa importancia, respecto, valor e IGUALDADE na sociedade.

A árbore da entrada quedou fermosa cos traballos realizados polos nenos e nenas do cole relacionados con este día. Observade!

 Acercándonos un pouquiño...

- Tamén se fixo outro mural. A árbore nel debuxada contaba cunhas follas dedicadas a mulleres que fixeron e fan historia:

Con máis detalle: